Марихуаница доьзна Гуьржийчура луьра низамаша даккхий дийцарш лелхийтина цу махкахь, хIунда аьлча, марихуана лелор, таIзарза даккха гIерта хIинца Тбилисера Iедалш.

Шатайпа башхалла ю кху дуьнентΙехь тΙемаш лаьттачу меттигашкахь кест-кеста ун даьржаш хилар, доккхачу декъанна берашлахь. Терго йича хаало, ОвхΙанистанехь а, Нохчийчохь а и сурт. ХΙинца Нохчийчохь, аьлча а, Соьлж-ГΙаларчу школехь иккхинчу уьно, хьалхо Шелковскин а, Невран а къошташкахь санна, эгийначу берех дукхахдерш зудабераш ду. Иза ларамза нисбелла бохам бац - къам ца дезачу ницкъо дина зулам ду, аьлла хета бахархоша.

Деношкахь Оьрсийчоьнан вице-премьер даржера дIаваьллачу Сурков Владиславца а, Москохара кхечу хьешашца а даьхна суьрташ инстаграм чудаьхна Кадыров Рамзана. Лаьмнашкахь чIерий леца баханчехь даьхна суьрташ, аьлла яздина цо. Сурковс шен дарж дитарх лаьцна хаам ма-баьржжина, Кадыровс Нохчийчу кхайкхинера иза.

Адамо шен куьйга даржаде уьнаш доцуш а оьгу Нохчийчоьнна тΙе баланаш. Юха а карзахдаьлла Ιалам. Дуьненах дΙахаьдда еха карарчу ханна маситта ломара юьрт. Иштта IIаламан хьовзамаш бахьанехь,серло, газ, хи доцуш юьсу кест-кеста Соьлж-ГIала а.

Зе-зулам хилларг а, и динарг а мила ву хьаьжжина толлу, я ца толлу, луьста, бехкаме дерзадо Оьрсийчохь стаго динарг, хилларг. Цунах олийла дац я нийсо я бакъян хьакъ долу система. Оцу хьокъехь къамелаш дира Маршо Радиоца адвокаташа Хадисов Мусас а, Мусаев Мурада а. Цара гойту мел харц система ю Оьрсийчохь чIагIъелла еха бехкталларан а, кхелъяаран а система.

Дахаран зеделларг ду, нохчийн зударшна маре дIакхехьа атта ца хилар. Цхьана агIора, марзхой, коьртачу декъана, марнана юкъагIертаро бохабо доьзалш. И бакъдо, Нохчийчохь барт игIинчу доьзалшца маслаIат дан гIерташ лелачу муфтиятан леррина комиссино а. Вукху агIора, маре цIаеана зуда кхин а экаме ю. Юкъараллехь таръяла а, яха а, чIогIа халчу долу цунна.

Кадыровс урхалла деш долу Iедал цхьана эвла я гIала кхачар, боккха бала хуьлу меттигерчу бахархошна. Дийнна де дов церан, Iедал схьакхачале а, иза дIадахале, баха безаче ца кхачалуш. Ша тIехь урхалла латточу бахархойх оццул чIогIа хIунда ларло Нохчийчура Iедал

Социалан машанаш уггар жигара лелочу стоьландайх ву аьлла, Оьрсийчура хеттарийн хьесапдина а далале, ша Инстаграм дIакъовла воллу аьлла дIахьедар дина Нохчийчоьнан куьйгалхочо Кадыров Рамзана. Чувоьллинчара, хенал хьалха аравалийтинчу стагца даьккхина суртана кIоршаме комменташ йитина, цуьнан агIонна тIехь. Цхьана агIора, шега бахархоша дечу аьзнашна жоп дала хьожу Кадыров. Амма вукху агIора, цуьнан урхаллин кепо кхоьллина, махкахошна тIера кхо цIокха йоккхуш болу стоьландай.

ФБР-о Царнаев Тамерланца юкъарло лелош хилла нохчо Хаджимурадов Муса ву зуьйш кху муьрехь. Нохчийчуьрчу тΙемаша зΙаьΙапхо винчу цуьнан Манчестерерчу цΙийнах хьаьвсинчул тΙаьхьа, дилхан экспертиза а йоккхуш, теллина компьютер. ЖамΙаш цкъачунна гΙара ца даьхна. Амма Оьрсийчоьнан хаамийн гΙирсаша хΙинцале цуьнан цΙе йоху Бостонехь динчу лелхийтарийн декъа а яьккхина. Гучудаьлла Хаджимурадов Муса Нохчийчохь хьалхара тΙом боьдуш Закаев Ахьмада куьйгалла динчу тΙемалошлахь хиллийла.

Хьалха заманахь дIабаханчу нохчийн цхьацца кепара аьтто баьлла цу пачхьалкхехь шайн доьналла гайта. Цунна дуьхьала, иза къобалдеш, меттигерчу Iедалша а хам бо церан. Урдунан низамо ца магадо, майраллица къаставеллачу вахархочух шозза Къоман Турпал ван. Амма Iедалша нохчийн инарлах Iалауддин Арслан Ахьмадах шозза Турпал вира. Нохчо дика вевзаш ву Iаьрбийн махкашкахь. 1960-чу, 1973-чу а Малхбалерчу тIемашкахь дакъалоцуш цо гайтинчу хьуьнаран масалш хIинца а даладо Iаьрбаша.1979чу шарахь къаьсттина билгалвелира иза террорхоша кечдинчу зуламах Макка кIелхьарйоккхуш.

Кест-кеста динашна а, мехкашкахь дехачу къаьмнашна а юкъа цим тасарх пайда а оьцуш бехачу Оьрсийчуьрчу хаамийн гΙирсаша рогΙера питана даржийна, Петарбухарчу «Макка» цΙе йолчу бусалбанийн юкъараллан хьалханчас Валеев Рината аьшнаш бо Дуьненан ШолгΙачу тΙамехь белла Оьрсийчоьнан эскархой а, керста дин а, Iедал къобалдеш болу муфтеш а, имамаш а, бохуш.