ТIекхочийла долу линкаш

Террорахочунна Брейвикана йишца машаран жоп делла Норвегин бахархоша



40 эзар гергга стаг гулвеллера Еарийн дийнахь Норвегерачу коьртачу гIалахь Ослохь террорахо Брейвик Андерс хезча ца мегаш волу «СтелаIадан бераш» цIе йолу йиш лакха. И йиш язйинарг ву вевзаш волу меттигера композитор Нильсен Лиллерберн. Франс пресс агенталло дийцарехь, цкъа дуьххьара цигахь гулвала дагахь вара 5 эзар стаг.

Амма цу акцин декъашхойн терахь, ца моьттачу кепара, алсам делира. Царна юкъахь бара баккхий нах а, заьIапхой а, кегийра бераш а. Норвегийн байракхаш а, кара роза олу зезагаш а эцна, Брейвикана машаран жоп дала баьхкинера и нах цунна тIехь кхел дIайоьдучу хIусамана хьалха.



Цулсовнаха цу акцехь дакъа лоцуш бара Норвегин а, Исландин а, Данин а, Финляндин а, Швецин а културин министарш а, Норвегин премьер-министар Столтенберг Йенс а.

Столтенберга баркалла элира Ослохь гулбеллачаьрна.
Йиш лекхначулла тIаьхьа, гулбеллачара меллаша, вовшен куьйгаш а лаьцна, кхелан хIусамана тIе а баьхкина, зезгаш дехкара Брейвика байинчу нехан сий деш.
XS
SM
MD
LG