ТIекхочийла долу линкаш

Шайна кхайкхийна санкциш дIаяха еза аьлла, хета ГIажарийчоьнна


Заррат программа бахьана долуш шайна дуьхьала дуьненаюкъаралло кхайкхийна йолу санкциш дIаяха еза аьлла, дIахьедар дина ГIажарийчоьно. Кестта ГIажарийчоьнна а, кхин а 6 пачхьалкхана а юкъахь БагIдадехь хир долу дагадовларш дIадерза деза цу тайпа сацам а беш аьлла, хеташ ву ГIажарийчоьнан арахьарачу гIуллакхийн министраллан векал Мехманпараст Рамин.

Цо дийцарехь, цу тайпачу сацамо гойтур ду гIажаройн партнераш баккъалла а лелаш бу-бац бохург. ГIажарийчоьнан дипломато дуьйцуш долу дагадовларш хила дезаш ду кху беттан 23-чу дийнахь. Цигахь ГIажарийчоь йоцург дакъа лоцуш хир ю Цхьанакхетначу Къаьмнийн Вовшахтохараллан Кхерамазаллан Кхеташонан даиман а декъашхо йолу 5 пачхьалкх а, Германи а.

Дуьненаюкъаралла шеко йолуш ю ГIажарийчоь, машаран программа кхочуш йо а бохуш, зарратан герз дан гIерташ хила мега аьлла. ТехIрано иза бакъ дац бохуш, чIагIдо.
XS
SM
MD
LG