ТIекхочийла долу линкаш

Европано шен маьхкдаьттана кхайкхийначу эмбаргано новкъарло йийр ю боху ТехIрано


ГIажарийчоьно варе дина, Европан Барто шен маьхкадаьттана кхайкхийначу эмбаргано вуон тIеIаткъам бийр бу, ТехIранан а, дуьненан нуьцкъалчу пачхьалкхийн а гIажарийн заррат программина тIехула долчу дагадовларшна, аьлла. ГIажарийн арахьарчу гIуллакхийн министраллин векало Мехман-параста Рамина, Европан гIажарийн маьхкадаьттана кхайкхийна эмбарго тIекхоччуш (Товбецан хьалхарчу де ду иза) хааме даьккхина и дIахьедар.

Даханчу кIирнах Москох дагадовларш дIадаьхьира ГIажарийчоьно а, дуьненарчу 6 нуьцкъалчу пачхьалкхийн векалша а. Уьш кхин цхьа а жамI ца хуьлуш дирзира.

Европан Бертан а, Цхьанатоьхначу Штатийн а Iаткъамна кIел йолчу пачхьалкхаша ца эцар бахьанехь, ГIажарийчоьно арахьа духкучу маьхкадаьттан барам тIаьхьарчу 6 баттахь 40 процентана лахбелла, аьлла дIахьедар дина Дуьненарчу Атоман Энергин Агенталло.
Къилб Корейно тахана дIахьедар дина, ша Гiажарийчоьнера оьцу чкхдаккхаза маьхкадаьтта эцар сацор ду Товбецан хьалхарчу дийнахь, аьлла.
XS
SM
MD
LG