ТIекхочийла долу линкаш

Луьра кхел йина ОвхIанехь Францин эскрхой байинчу эскархочунна



Францера пхи эскархо верна тоьпаш тоха кхел йина ОфхIанан Армин эскархо хилла волчу Сабор Iабдуллина. ОвхIанистанан тIеман министралло бинчу хаамца, и сацам бинарг ю цу мехкан лаккхара тIеман кхел.

Сабора герз тоьхнера Францин эскархошна Каписа-провинцехь йолчу НАТО-н тIеман базехь кху шарахь Дечкен-беттан 20-чу дийнахь. Виъ фрацуз вийра, кхин цхьаъ велира тIаьхьо госпиталехь.Чевнаш йинера 15 стаганна.

Цу тайпа бохамаш сих-сиха хуьлу ОфхIанистанехь. Франс-пресс агенталло дийцарехь, хIара шо доладелчхьана, цу кепара инциденташ а хилла, вийна 26 стаг.
XS
SM
MD
LG