Президент Бэсеску Траян даржера дIаваккхарх лаьцна йолу референдум ца хилла лерина харжамийн комиссино. Цуьнан векалша дийцарехь, цу кхажтасарехь дакъа лаьцна 46 процент харжамхоша. Низамца а догIуш, уьш хила безаш бара 50 процент сов.
ХIинца и жамIаш тIечIагIдан дезаш ю мехкан Конституцин кхел. КIирандийнахь, журналисташна хьалха вист хуьлуш, Бэсескус дIахьедар дина бахархоша референдум харц йина, харжамийн каппашка а ца баьхкина.
Президентан дуьхьалончо премьер-министра Понта Виктора шен агIор дIахьедар дина, шаьш толам баьккхина аьлла. Цо чIагIдарехь, Бэсеску кхин дIа а президент висарна дуьхьал кхаж тесна 87 процент референдумехь дакъа лаьцначу харжамхоша.
Румынин президент Бэсеску даржера дIаваьккхира Парламенто. Нагахь референдуман жамIаш тIечIагIдахь, иза шен даржехь вуьсур ву 2014 шо тIекхаччалц.