ТIекхочийла долу линкаш

ЦIеххьана кхаьчна хаам!

Полицина дуьхьал лехам айа дагахь ву Каспаров



Полицин белхахошна дуьхьал лехам айа дагахь ву Оьрсийчура оппозицин жигархо, шахматашкахула дуьненан чемпион хилла волу Каспаров Гарри. Кху беттан 17-чу дийнахь Каспаров дIалаьцнера Москохарчу Хамовнический кхелана хьалха.

Цига иза ваханера кхелана хьалха хIоьттинчу Pussy Riot панк-тобанна ша доглозуш хилар гайта. Полицин векалша чIагIдо, ша лоцучу хенахь оппозиционеро ОМОН-ан белхахочунна цергаш тесна бохуш. Каспаровс иза харц до. Цо дийцарехь, мелхо а цунна йиттина полицин белхахоша.

Оршотан дийнахь Каспаров Гарри левина «Хамовники» олучу полицин декъехь. Амма шена дуьхьал бехк-такхаман гIуллакх схьадоьллур ду-дац хIинца а ца хаьа Каспаровна.
XS
SM
MD
LG