ТIекхочийла долу линкаш

Либерчу консулствон кхерамазалла ца ларъярна жоьпалла шена тIеэцна Клинтон ХIилларис


Iамеркан Либехь болчу дипломатийн кхерамазалла ца ларъярна ша жоьпаллехь ю аьлла дIахьедар дина пачхьалкхан секретаро Клинтон ХIилларис Оршотан дийнахь. И бахьана долуш, Гезгмашин-баттахь Iамеркан Бергазехь йолчу консулствонна тIелатар а дина, вийра Iамеркан Либехь волу векал а, кхин а кхоъ Iамеркахо а.

Си ЭН ЭН телеканалана ша еллачу интервьюхь Клинтона элира, махкал арахьа болчу дипломатийн кхерамазалла ларъяр шен декхаршна юкъахь ду аьлла. Цо билгалдаьккхира президент Обама Барака а, вице-президент Байден Джо а Бенгазехь йолчу шайн дипломатин миссин кхерамазалла ларъярах лаьцна болу сацамаш тIеоьцуш дакъалоцуш вацара аьлла.

Шинарийн дийнахь Iамеркехь шолгIа дебаташ хила езаш ю президентан харжамашкахь дакъалоцуш волчу Обама Баракан а, республикан партин кандидат волчу Ромни Миттан а. Бенгазехь хиллачух хаттар дала мегаш ду Обаме. Цуьнца доьзна хила мегаш ду Клинтона дина дIахьедар.
XS
SM
MD
LG