Кхаарийн дийнахь Оьрсийчоьнан пачхьалкхан Думано арахьарчу пачхьалкхийн агенташ ларалучу махкарчу Ιедалх йоцчу юкъараллашна низам талхорна тухучу гΙудан барамаш къастийна ах миллион соьман биста кхаччалц. Низам талхор бехк-такхаман кодексан лехамашка диллал доккха зулам дацахь, туху гΙуда хир ду: белхахочунна - 30 эзар соьме, хьукматна – 300 эзар соьме кхочуш.
Оцу могΙара низам талхор ларало, масала, Ιедалх йоцчу юкъаралло зорбанехь я интернетехь ша информаци яржош, шех лаьцна, ша арахьарчу мехкийн агент ю, аьлла, беш хаам бацахь а.»