ТIекхочийла долу линкаш

Оппозицино тIелатар долийна Шемахь


Шемарчу оппозицин тобанаш тIелатар долийна цу мехкан къилбаседа-малхбузерчу кIошташкахь. Цигахь дIатарелла ю Тафтаназ цIе йолу оппозицин карахь йолчу меттигашна бомбанаш етта кеманаш гIовттуш йолу Шеман эскаран тIеман авиабаза.

ГIаттамхой дагахь бу и база шайн караэца. Малхбузерчу хаамийн гIирсаш дийцарехь, оппозицин тIеман тобанаш дагахь ю Димашкъана а, Алеппо-гIалана а юкъар стратегин мехала йолу территори шайн Iуналле эца.

Цхьаьнакхетначу Къаьмнийн Вовшахтохаралло а, «Дуьненаюкъара Амнисти» вовшахтохаралло а ПIераскан дийнахь тIеман зуламаш дарна бехке бира Шемара гIаттамхой. Дуьненаюкъара бакъонашларъярхошкахь йолчу видео тIехь гуш ду закъалтана дIалийцина болчу салтташна гIаттамхоша уьш шаьш байале, къиза етташ хилар.
XS
SM
MD
LG