ТIекхочийла долу линкаш

Атлантикан альянсан сацамаш



Атлантикан тΙеман альянсан инарла секретара Расмуссен Андерса хаам бина, Брюсселехь чекхдевллачу пачхьалкхийн арахьарчу гΙуллакхийн министрий дийцарша пайда беъна ОвхΙанистанера альянсан эскарш арадахар дийцаре дарехь, аьлла. Оцу Ιалашонна а, эскарш 2014-чу шарахь ОвхΙанистанера дΙадахча буха буьсу меттигера ницкъаш Ιаморна а тΙехьажийна дара шаьш Брюсселера дийцарш. Расмуссена бахарехь, аьлянсо эскарш арадевлча а латтор ду ОвхΙанистанна цуьнан кхерамзалла чΙагΙъе накъосталла ахчанца а, гΙирсашца а.

Иштта, Гуьржийчоь альянсе дΙааэцаран хьокъехь а хилира къамелаш Брюсселехь. Расмуссена хастийра и пачхьалкх, цо альянсан декъашхо хилархьама бен некъ нийса а, ондда а бу, аьлла.

Туркоша, шайна Шемара схьаболу кхерам а балхош, шайн лаьтта тΙе Петриот олу ракеташ хΙиттор дехнера альянсе. Уьш хΙиттор къобалдира Брюсселехь.
XS
SM
MD
LG