ТIекхочийла долу линкаш

ЦIе яьллера "Грозный-Ситих" йолчу Олимп гIопах


"Грозный Сити" комплексах йолу цхьа гIап, 03Оха2013

"Грозный Сити" комплексах йолу цхьа гIап, 03Оха2013

Нохчийчоьнан коьрта гIалахь йогуш ю "Грозный-сити" олучу комплексах йолу цхьа гIап. ТIехь сахьт дерг ю иза. Цунах цIе яларх болу хаамаш а, суьрташ а микроблогаш чохь гучудевлла уггар хьалха.

Нохчийчоьнан коьрта Соьлж-гIалара 145 метр лекха, 40 гIат долу гIишло «Олимп» Москохал арахьа йолчу гIаланашкахь уггар а лекха, чохь ваха йиш йолу гIишло ю ерриг Оьрсийчохь. Соьлж-гIалин юккъехь, хIинца Кадыров Ахьматан цIе лелочу урамехь, Соьлжа-хи йистехь ю «Грозный-Сити» комплекс.

Баханчу Чиллан баттахь оцу комплексан цхьана гIишло чохь 5 чоь йолу петар елира Оьрсийчоьнан махкахалла дехначу Францера актерана Депардьё Жерарана. Дийцарехь, цуьнан петар йолу гIап яц йогуш ерг.

Ютюбера видео:




ТIехь сахьт долчу йоккхачу гIопан цхьа агIо ю лахара дуьйна лакха кхаччалц, цIаргахь йогуш. Iаьржа кIур бу корашкахула арабуьйлуш. Бухарчу еа-пхеа гIат тIехь цIе яйъина бевлла цIеяйъархой. ЦIе яьлла хаам 18:15 яьлча бина бу.


"Грозный-Сити" комплексан цхьа гIап ю йогуш, 03Оха2013

"Грозный-Сити" комплексан цхьа гIап ю йогуш, 03Оха2013


Комплексана гонаха ха деш полици ю. Некъан полици ю цIе яьллачу метте леррина цIе йойъу машенаш а, сиха гIоьнан машенаш а тIекхачийта, гIо деш.

Хьалхуо Нохчийчоьнан бакъонийн органийн векало хаам бинера, цIе, уггар лакхарчу гIат тIехь яьлла ю, аьлла. Оцу гIишло чохь хIинца а бехаш нах бац.
ЦIе ялар бахьана цкъачунна къастаза дуьсуш ду.

Дийцарехь, леррина техника яц оццул лекха гIишло чохь яьлла цIе яйъа. Минводашкара леррина дехна, догIуш цIейойъу беркема ду.

Гайта комментареш

XS
SM
MD
LG