ТIекхочийла долу линкаш

Оьрсийчура хакерша зе дина Iамеркехь


Iамеркан федералан прокуратуро бехк кховдийна Нью-Джерси штатерчу Ньюаркехь веа Оьрсийчунна а, цхьана Украинан махкахочунна а, иттех сов Iамеркан а, дуьненаюкъарчу а корпорацин комьютеран системашна хакеран зе дарна.

Талламхоша дийцарехь, Оьрсийчура Дринкман Владимир а, Калинин Александр а, Котов Роман а, Смильянец Дмитрий а, ткъа иштта Украинера Рытиков Михаил а, низамаш а дохош, чуваьлла 160 миллион кредитан а, дебитан а картанийн лоьмарш латточу системина. Цара лачкъийна масийтта бIаь миллион доллар.

Прокуроро дийцарехь, цу тайпа хакерийн афера цкъа а хилла яцара Iамеркехь. Зулам дина аьлла шеко йолу нах суьдехь бацара. Associated Press агенталло бинчу хаамца, Смильянец лаьцна ву Iамеркехь, Дринкман лаьцна Нидерландашкахь, ткъа вуьйсуш къайла бевлла бу.
XS
SM
MD
LG