Францин арахьарчу гIуллакхийн министро Фабиус Лорана тахана хаам бира, химин герз лелийначу меттехь талламаш бинчу Цхьаьнакхеттачу Къаьмнийн Организацин инспекторша шайн рапорт оршот дийнахь хааме доккхур долуш ду, аьлла. Францерчу радиоца къамел деш Фабиуса аьлла, цу рапортехь тоьшаллаш ду, Марсхьокху-беттан 21-чу дийнахь Димашкъана йистехь химин герзаш лелийна хилла хиларан.
