ПIераскан дийнахь ОвхIан пачхьалкхе вахана Iамеркан Цхьаьанатоьхначу Штатийн пачхьалкхан секретар Керри Джон. Дийцарехь, иза цхьанакхетар ву овхIанхойн президентаца Карзай Хьамидца. Керрис Карзайца бийцаре бийр бу, НАТОн эскарш 2014-чу шарахь арадаьхначул тIаьхьа цу пачхьалкхехь дуьсур долчу Iамеркан эскарийн терахьца доьзна шина агIонан барт. Хаамийн агенталлаша бахарехь, ГIадужу бутту чекхбалале къастийна дала дезаш ду и гIуллакх.