Протестан Пусси Райот тобан декъашхо Толоконникова Надежда ша чохь яллош хиллачу цхьана набахтера кхечу набахте яьккхина. Цо шена набахти хийца аьлла, кхайкхийна мацалла а йолуш, бина Оьрсийчоьнан набахтийн системан куьйгалло и хаам. Деношкахь араяьккхина Толоконникова, кΙиранах мацалла а кхабна, иза кхаьчначу дарбан цΙийнера.
Цунна генна, кхечу набахтехь яллочу Алехина Марияс юхаэцна ша аттачу хьелашка яккхар доьхуш хьакамашка яздина кехат. Мацалла лаьцна йолу Толоконникова хьийзош а йолуш, шена дегаза ду Ιедале къинхетам беха, аьлла яздина цо Новргордерчу кхеле. Къона ши зуда «динца гамо йолуш, Москох килса чохь харцхьа лелла», аьлла, тоьхна ши шо хан токхуш ю набахтешкахь.