ТIекхочийла долу линкаш

Оьрсийчура телевизионехь дIахьучу «Голос» къийсамера Умханов Шарипан дIаваха дезаро дог дохийна, цуьнгахьа косташ туьйсуш, сагатдеш хиллачу нохчийн. ПохIма долу и жимастаг, цкъа делахь, ша вовзийта кхиина. Вукху агIора, Оьрсийчура дIавахчий бен аьтто хир бац цуьнан, Оьрсийчура мафин кепарчу шоу-бизнесехь, бохуш яздо интернетехь, цунах дог лозучара.

Умханов Шарип «Голос» цIе йолчу къовсадаларна юкъарваккхаро инзаре цецбаьхна эзарниш нохчийн бахархой.

«Стигалан Iаьрчаш кхин а хьалаойбуш, ана кевне кхаччалц хьала долуш, хьекъале кхате ца даллал чIогIа, зевне ду цуьнан аз» «Голос» проектан говзанчаш а боллушехь цу къовсадалар юкъарваьккхина нохчийн кIант-«зарзар» Умханов Шарип. Юкъарваьккхина цуьнан озах цецбуьйлучу хьовсархоша шозза-кхузза а.цуьнан эшар а дIа ерзале тIараш тоха гIирттиншехь, Шарипа куьйгалхочуо Градскийс шен 60% цунна дIаеллашехь.

Юкъарваьккхина, хьовсархоша чIагIдарехь, цу къовсадаларехь цкъа ца лекхначу кепара цо эшар Iаламат башха а, шовкъе а инзаре лакхарчу зевналлица а леккханшехь. Нохчаша кхеторехь и бохург дац цуьнца ахфиналехь къовсавелларг ледара вара бохург. Вацара, делахь и ца кхочура Шарипе боху могIарерчу наха. Цунна къеггина тоьшалла лору цара нийсонан а, бакъонан а да волчу Градскийс Умханов Шарип харжар.

Стенна нисделла ишта? Хилларг хIун ду? Мел бух болуш ду и жамI? Цу а, кхечу а хеттаршна жоьпа каро гIерта ,эзарниш аьлчи а харц хир доцуш, могIарера нохчий. Ма-дарра аьлчи цу кIанта, цхьа къам самадоккхуш санна. цхьана а политико а, цхьана а Iедалдас цадинарг деш,уьйр-марзонаш карлайохуш, къоман кхетамехь барт-машар, цхьаалла деборехь, хаза нехан санна беркате гIулч яьккхина.

Цунна тоьшалла ду, шайн дегнийн лааме ладогIар бен, цхьана Iедалдас-маьхькIамхочо дош аьлла, бина кхайкхам а я тIедиллина хIума а доцуш, эзарниш могIарерчу наха, вовшашка зIенаш еттар, «Шарип ву шуна тховса, ледар ма хилалаш, кхаьжнаш тасалаш» бохуш, вовшийн ир-кара хIиттор. Цунах дуьйцуш дара массо пхьоьгIанашкахь а, доьшийлашкахь а, белхан меттигашкахь а. Стигалделе ирх а вехьна, вазвина Шарип вийцарехь шовкъе хьийзаш бара ишколера дешархой а.

Баккхийчара Умханов юкъарваккхар дузу тахана Оьрсийчоь нийсонах, бакъонах къилба а дина сацам бан кийча цахиларца. «Кхечу пачхьалкхашкахь Iаьржа чкъор долу стаг-муьлххачу а тIегIан политик хила тарло президента дарже кхаччалц, цхьа къестамаш а боцуш мел лакхарчу даржехь министар я кхин хьаькам хила а тарло…Амма иза генара гене ю Оьрсийчоьнна тIе а доьгIан аьлчи». Ишта хьажам бу цхьаболчера.

Масалш а далош царех ша-ша цадийцархьама, Умханов Шарипах аьлчи нохчашна чIогIа новкъа деъна иза цу къовсадаларна нацкъар висар. Дуьненахь хьуна хезар дац моьттучохь – туьканашкахь, ишколашкахь ,ши-кхо стаг вовшах мел кхеттачохь вийцаре во и иллиалархо.

«Валлай, массара кхаьжнаш тийсинехь хIинца а чекхваьлла-м хир вара.Цига ахфинале а дика кхаьчна-иза-м. Новкъа-м хета. Хьалха а чекхваьлла хилча , нах паргIат Iийна моьтту суна-м. ТIе ца тоьуш жима аьзнаш дисир-кх. наха хIун дуьйцу-м ца хаьа суна и суьдхой чIогIа реза а болуш, дика тIелаьцна-м вара Умханов.Цо санна оригиналехь а ца локху бохур-кх цара шаьш. Цуьнан аз хеззашехь тIаьхьий ,хьалхий тIебоьрзур-кх суьдхой.»

Цхьаболчу бахархоша тидарехь цхьа бозбуанчалла лелийна хьовсархойн кхаьжнаш дагардеш. «Гирий шуна,юьхьанца Шарип мел хьалха вара, дагардор чекхдолуш цхьана маьIаргонехь хьалха ваьккхира цара и Волчков»,- боху цхьаболчара шовкъе. «И нохчо хилар и цхьа бахьна ду и кIелвитаран»,- чIагIамаш бо кхечара.»Ахфинале а дика валийтина иза-м»,- олу кхечара. Доцца аьлчи цу кIанта вуно чIогIа ир-кара хIоттош,бахархойн ойла самсайоккхуш, массеран а самукъадоккхуш, цхьа дарбане молха а хилла, бедацаран хоршара къам арадаьккхича санна, самалхадаьккхина шен махкахой.

Шуна хетарг

Гайта комментареш

XS
SM
MD
LG