Оьрсийчоьнан Нохчийчура батальонера салти лаьцна Украинехь

Оьрсийчоьнан эскарехь гIуллакх деш волу Нохчийчура вахархо лаьцна Украинин дозанхоша ПIераскан дийнахь. Цуьнан цIе йоккхуш яц. Машенахь вогIуш волу и стаг сацийна хилла ГIирман дозанца йолчу Чонгар-эвлахь.

Цуьнан машен чохь карийна бронежелет а, масатоп а, патарманаш а, тIеман барзакъ а. Цу стага дийцарехь, церан Нохчийчура батальон дIатарйина ю ГIирмера Джанкой олучу гIалахь.