Шайн дайначу кеман гаьргаш карийначух тера ду Малайзина

Дайначу шайн кеманах йисина 122 гериг гайтина спутникаша ХIиндойн хIорда чохь, хаам баржийна Малайзин векалша. Цигарчу транспортан министра Хьусайн ХIишамуддина бахарехь, и гаьргаш хаалуш ю 400 метр гонаха. Куалу-Лумпурера Пекине доьдучу новкъахь хIаваэхь ши кIира хьалха дайра кема. Цу чохь хиллачу 239 стагах дукхахберш бара китайхой. Iаьмеркара, Китайра, Къилба Корейра, Австралера, Зеландера даьхкина хIаваан а, хIордан а кеманаш ду иза лохуш.