ТIекхочийла долу линкаш

Украина шен газах дIахадийна Оьрсийчоьно



Оршотдийнахь аванс ахча дала йиллина хан Украино т1ехъялийтарца доьзна, ша цига газ кхачор лахдо, амма Европе йоьду газ лахлойла дац, дIахьедина Оьрсийчоьно. Газпроман пресс-секретара Куприянов Сергейс хаам бина, Украинана кхочу газ хьажор яц цига компанино, амма Европе кхочушъерг Киеван дуьхьало а ца еш дакхачон дезар ду, аьлла.

Стокгольмерчу арбитражан кхеле Украинана арздина шаьш, цуьнгара 4,5 миллиард доллар декхар такхийтар доьхуш, боху Газпромо. Ткъа Европано юкъарло а деш, Украинаций, Оьрсийчоьнций дIахьош хилла дицарш цхьа а жамI доцуш дирзина. Брюссело ша реза ю 1 миллиард доллар хIинццехь охьадилла, аьллера, ткъа Москох реза ца хилира. Энергетикехула волчу Евробертан комиссара Эттингер Гюнтера бертан къамелаш, компромиссаш а лоьруш, кхидIадахьа хьожур ву ша, аьлла.
XS
SM
MD
LG