ТIекхочийла долу линкаш

Путина цхьаъ дуьйцу, кхин - до


Украинан президента Оьрсийчоьне дIахьедина, ша шен махкахь машар бархьама кхайкхийна некъ, дашца бина ца Iаш, гIуллакхца а къобалбан еза, аьлла. Еарийдийнахь Европан Кхеташонан Парламентан ассамблеяхь къамел деш цо бохура, Оьрсийчоь хьалха а санна, дуьйцуш цхьаъ а долуш, зуламашна гIортор еш схьайогIу.

Еарий дийнахь Вашингтонерчу пачхьалкхан секретара Керри Джона а элира, Оьрсийчоьно гайта деза Украинехь кхайкхийначу герзаш деттар совцорна тIетовш а, цигахь тIемашкахь болчу оьрсийн сепаратисташна тIеIаткъам беш а хила еза Москох.

Оцу юкъанна Германин канцлера Меркел Ангелин къамел хилла телефонехула Путин Владимирца. Цара шаьш Украинера хьал дийцаре деш, Порошенкос машаран кIира кхин дIадахдан деза бохура.

XS
SM
MD
LG