ТIекхочийла долу линкаш

Украинин территори тIехь охьадоьжна Malaysia Airlines авиакомпанин некъахойн кема


Украинин территори тIехь охьадоьжна Malaysia Airlines авиакомпанин Boeing 777. Хаамийн агенталлаш дийцарехь, цу тIехь хилла 280 некъахо а, экипажан 15 стаг а. Цкъачунна официалан информаци яц хиллачуьнан бахьана дуьйцуш.

Делахь а цхьаболчу Украинин Iедалан векалшна хетарехь, кема герз а тоьхна охьадожийна ду. «ХIинцца Торезан (гIала) тIехула террорхоша Путина безамца шайна еллачу «Бук» олучу ракетийн комплексца чудаийтина Амстердамера Куала-Лумпуре доьдуш хилла некъахойн кема. Тахана Iуьйранна меттигерчу патриоташна гинера и комплекс Торезера Снежное олучу эвла юьгуш», - аьлла яздина шен Facebook-ера агIон тIехь Украинин чоьхьарчу гIуллакхийн министран хьехамчо Геращенко Антона.

Хьалхо РИА Новости агенталло хаам бинера, Торез-гIалина гена доцуш йолчу «Прогресс» олучу шахтина уллехь АН-26 олу кема охьадоьжна аьлла. Цунна ракета кхеташ гина меттигерчу бахархошна.

XS
SM
MD
LG