Дохийначу Малайзин кеманчохь хиллачу нехан декъехь цхьадерш дIахьажийна Украинера Голланде – 50. Эйндховенерчу авиабазе кхачийна уьш. Харковра уьш дIахьажош къамел динчу Украинан вице-премьера Гройсман Владимира бохура, Оьрсийчоьно ир-кара хIитточу террористаша дохийна маьрша кема.
Голландера Малайзе доьдуш хиллачу кеман 298 пассажирах а, экипажах а ца висина дийна стагга а. Iамеркарчу кхерамзаллин урхаллашна гарехь, кема дохийнарш бу Оьрсийчоьнехьа болу Украинана дуьхьал тIемаш бен сепаратисташ. 193 пассажир шен волчу Голландино тезетан денош кхайкхийна.
Кхин а ши де ду Украинан малхабелехь кема чудоьжначу меттехь схьакарийна декъий дерраш Голланде дIакхачо. Австралин премьер-министра Эбботт Тонис дIахьедина, кхеташ дац масса дакъа схьакарийна, масса дуьсуш ду сепаратистийн карахь йолчу кема чудоьжначу меттехь аьлла.
