ТIекхочийла долу линкаш

Юкъарло лело кийча ву Лукашенко


Белорусин президент Лукашенко Александр реза хилла Киевна а, Москохна а юкъахь юкъарло лело. Цу тайпа дехар динера Белорусин лидере телефонехула Украинин президенто Порошенко Петрос. Цо хаийтинера Белорусин президенте кху беттан 31-чу дийнахь Донбассера хьал дIанисдеш, кхаа агIонан векалша дакъа а лоцуш, кхеташо дIаяхьа шайн лаам хиларх лаьцна.

Цу цхьаьнакхетаре кхайкхина Украинин шолгIа президент хилла волу Кучма Леонид а, Оьрсийчоьнан Украинехь волу векал Зурабов Михаил а, ОБСЕ-н векал а. Дийцаре дийр долуш ду ши хаттар – дуьненаюкъара эксперташ Малайзин Боинг охьадоьжначу метте битар, йийсаре лецна нах маьрша бахар а.

Порошенкос дийцарехь, террорахоша закъалтана лецна латтош ву 168 стаг. Цунах лаьцна Киевера хаам бина Маршо Радион корреспонденто.

XS
SM
MD
LG