ГIаттамхошна гIодинчу рогIерчу вахархочун дов кхачийна кхеле Нохчийчуьрчу талламчаша. Шен хIусамехь диъ шо хьалха тIемалой тIеэцарна а, царна юучуьнца хьошалла дарна а бехкево Веданан кIоштара Дамаев. Цо гIодинарш шо хьалха кхелхинчу вежарийн ГакаевгIеран тобанера бара, боху талламаша. Ткъа Дамаевна мотт тоьхнарг ву тIемалошлахь а лелла, тIаьхьо Iедалан каравахана стаг. Кхело пхеа шаре кхочуш хан тоха тарло Дамаевна. Оцу кепехь гIаттамхошца гергарлонехь хилла нах Iора а бохуш, уьш кхеле ийзор шуьйрра даьржинчу девнех ду Нохчийчохь.