ТIекхочийла долу линкаш

Оьрсийчоьнан "троянан говр" Украине дIа ца кхачаелла


Оьрсийчоьно, гIуманитаран гIо кхачадо а бохуш, шайн махка хьажийна эскар шен дозанехь сацийна ша, аьлла, даржийна Украинано.

Президентан Порошенко Петрон администрацин куьйгалхочун гIовса Чалый Валерийс дийцира, и эскарш шаьш совцийра пIераскан буса дипломатин гIоьнца, аьлла.

Малхбузено дикка хан ю шен эскарш Оьрсийчоьно Украинан дозане дIаоьзна бохуш, орца доху. Цхьаьнакхеттачу Къаьмнийн организацерчу Iаьмеркан Штатийн векала Пауэр Самантас Оьрсийчоьно ша Украине гуманитаран гIо кхачор ду бохуш ден дIахьедарш емалдира пIераскандийнахь. И гIо шегахьа болчу оьрсийн сепаратисташна дан гIерта Кремл, аьлла хета Малхбузенна.

XS
SM
MD
LG