ТIекхочийла долу линкаш

РоухIанис критика йина консерваторшна


ГIажарийчоьнан президенто РоухIани Хьасана критика йина зарратан программа хьокхехь къоршаме политика дIаяхьа лууш болу оппозицин векалшна, уьш «политикан къиллой» бу аьлла. «Шаьш дийцарш ма-доллийна уьш бега бан буьйлало. Дика ду цIа а гIой, йовха меттиг лаха шайна» аьлла дIахьедар дина РоухIанис Оршотан дийнахь, президентан хIора шарахь ГIажарийчоьнан дипломаташца хуьлучу цхьаьнакхетарехь.

РоухIани президент хIоьттира стохка Марсхьокху-баттахь, Ахьмадинежад Махьмуд волчу хенахь сецна хилла долу, Малхбузенца зарратан дагадовларш юха дIа а долош. Консерваторш дуьхьал бу стохка ТехIрано цу хьокхъехь цкъачунна аьлла бинчу бертана, ГIажарийчоь дукха хIуманашна тIехь юхаяьлла бохуш. Кхоччуш болу барт хIинца а бина бац.

XS
SM
MD
LG