Iамеркин ХIюлетт Паккард олу угарре яккхийчерах йолу комьютеран компани къера хилла ша Оьрсийчура Iедалан белхахошна къаьънаш даларна. Ткъа иза луьра зулам лоруш ду Цхьаьнатоьхначу Штаташкахь. И компани реза хилла 60 миллион доллар барамехь гIуда такха.
Iамеркан мехалан кехаташкахула а, фондийн биржашкахула а йолчу федералан комиссино бинчу хаамца, Оьрсийчоьнан прокуратурина техника латто бина барт кхин дIа а бахбайта 2 миллион доллар делла хилла ХIюлетт Паккард компанино. ХIюлетт Паккардан адвокаташа дийцарехь, цунна бехке болу компанин белхахой дIабаьхна балхара.