ТIекхочийла долу линкаш

Китайхь чувоьллина бакъонашларъярхо Тохти Илхам


Китайхь Урумчи гIаларчу кхело велла дIаваллалц набахтехь яккха хан тоьхна уйгурин къомах волчу бакъонашларъярхочунна Тохти Илхамана. Цунна бехке диллинарг ду сепаратист хилар. Тохти бехке вина Синьцзян-Уйгурийн автономан кIоштахь Iедалан кеп йохо гIортарна. Тохти Илхама дуккхазза а критика йинера Китайн Iедалшна, цигахь дехачу къаьмнашца Китайно лелон политика бахьана долуш.

Бакъонашляръярхочо тIе ца дуьту шена дехкина бехкаш. Китайра жигархоша варе дина Iедалш, и стаг чуволларо чолхе доккхур ду Синьцзян кIоштахь долу хаьл аьлла. Цу кIоштахь бехаш бу 8 миллион гергга бусулба-уйгураш. Тохти лаьцнера Iедалша кху шеран Дечкен-баттахь. Цуьнца цхьаьна лаьцна ву кхин а 7 цуьнан студент.

XS
SM
MD
LG