Оршотдийнахь Европан Бертан арахьарчу политикан урхаллан куьйгалхо Могерини Федерика Хонкарахь Туркойчоьнан куьйгалхошца цхьаьнакхийтира «Исламан Пачхьалкх» олучу ницкъашна дуьхьалояр дийцаре дан а, Малхбузено Оьрсийчоьнна кхайкхийначу санкцешна туркошка дуьхьало цаяр деха а йолчу Iалашонца.
Туркойчоьнан арахьарчу гIуллакхийн министрца Чавушоглу Мевлютца къамел деш Могеринис а, ЕвроБертан кхиболчу куьйгалхоша а кхойкхура Туркойчоь шен лаьтта тIехула «Исламан Пачхьалкхера» джихIадхой ца лелийтаре. Могерини Федерика а, цуьнца цхьаьна Евробарт шорбарехула а, гуманитаран гIоьнан а комиссараш болу Хан ЙохIаннес а, Стилианиди Христос а къамелашкахь хилира туркойн президентца ЭрдохIан Тайипца а, премьер-министрца Давутоглу Ахьмадца а.