Масийтта политикан тутмакх маьрша ваьккхина Азербайджанехь. Царна юкъахь шиъ журналист ву. Азербайджанан президентан указаца а догIуш, верриге а набахташкара арахоьцуш волуш ву 87 тутмакх.
ТIаьхьарчу хенахь дуьненаюкъарчу адамийн бакъонашларйон организацеш критика еш ю Азербайджанан Iедалшна, Iедалшца йоьзна йоцучу институташна а, бозуш боцучу зорбанан гIирсашна а Iаткъам барна.
Кху беттан 26-чу дийнахь прокуратурин белхахоша талламаш а бина, дIакъевлина Маршо Радион Бакохара бюро. Билггал стенна бехке еш ю радиостанци цкъачунна хууш дац.
