ТIекхочийла долу линкаш

450 гергга мухIажир кIелхьарваьккхина Италин хIордан дозанхоша


Италин дозанхошна экипажо тесна дитина киралелон хинкема карийна шайн бердан йистехь. Цу тIехь хилла 450 гергга стаг, шайна юкъахь зударий а, бераш а долуш. И нах мичара бу толлуш ду Iедалш. Ловзабаьлла хIор а болуш, Италин бердан дозанхой беркеманца тIехевшина цу кеманна. Цара дIатакхийна дуьгуш ду иза порте.

Iедалан векалша дийцарехь, Сьерра-Леонеy байракханна къеллахь догIуш долу кема Итале новкъа даьлла хилла Туркойчура. Ткъа шайн ягориг чекхяьлча кеманан экипаж едда цу тIера.

И тайпаниг шолагIа хуьлуш ду цу меттехь кху тIаьхьарчу 3 дийнахь. ГIуран-беттан 30-чу дийнахь Грецин Корфу гIаренна уллехь карийнера Молдовера киралело хинкема. Цу тIехь хиллера 850 гергга Шемара а, Иракъера а бевдда нах. Италхоша уьш дIабигина шайн Сицилерчу цхьана порте.

Цхьаьнакхеттачу Къаьмнийн Организацин мухIажирашкахула йолчу урхалло далочу терахьашца, цхьана Лахьан-баттахь хIордан кеманашца Итале кхаьчна 160 эзар бакъо йоцуш болу мигранташ, Греце кхаьчна 40 эзар стаг.

XS
SM
MD
LG