Оьрсийчоьнан суверенан рейтинг охьаяла мега нехийн тIегIане кхаччалц аьлла дIахьедар дина экономика кхиаран министро Улюкаев Алексейс. И шен дIахьедар дира цо журналисташна хьалха Москох Гайдаран цIарах йолчу экономикан форумехь.
Улюкаевна хетарехь, сом вуно сиха дайлуш кIоргга девальваци ловш ду. Оьрсийчоьнна токхе еана зама дIаяьлла аьлла хета министрна. Цо кхайкхам бира Оьрсийчура бахархошка шайн синан паргIатонан ойла йе аьлла. «Черманаш а, санкцеш а дIаевр ю», - бохуш вара Улюкаев Алексей.
