Дела Элчанна карикатураш зорбане яхарна дуьхьал акце вовшахтухуш ду Нохчийчоьнан Iедалш. Iедалан зорбанан сервисо бинчу хаамца, цуьнца цхьаьна нохчийн динан дайша емал до муьлхха а терроран тIелатар дар. Дуьхьалонан акци хила мегаш ю Соьлж-ГIалахь кху беттан 19-чу дийнахь.
Нохчйчоьнан куьйгалхочуьнан сайт тIехь хаам бина, хир йолу акци вовшахтухурш меттигерчу муфтиятан белхахой бу аьлла. Даханчу мукъачу деношкахь Москох Манежная майданахь полицино дIалецира ши стаг. Царах цхьамма дIалаьцна дара «Со Шарли ву» аьлла тIеяздина плакат.