ТIекхочийла долу линкаш

Таджикистанера оппозиционер Кувватов вийна Истанбулехь


Еарин сарахь Истанбулехь вийна таджикийн оппозицин хьалханчех цхьаъ волу Кувватов IумарIела. Оцунах лаьцна хаам бина туркойн зорбанан гIирсаша. Кувватовн хIусамнана а, цуьнан жима ши бер а дIовш а даьлла дарбанцIийне охьадиллина ду. Кувватов IумарIелин гергарчара дийцарехь, 47 шо долу политик а, цуьнан хIусам а хьошалгIа кхайкхина хилла.

Цигахь хIумакхаьллинчул тIаьхаь во а хилла хIаваэ араваьлла хилла иза. Оцу минотехь мила ву цахуучу стага коьртах тапча тоьхна вийна Кувватов. Цуьнан зуда а, ши бер а кхетамчура даьлла, амма цул хьалха хIусамнана кхиийна гергарчарга Кувватов верах лаьцна хаам бан.

Кувватов 2012-чу шарахь Оьрсийчу ведда хилла Таджикистанан президентан гергарчу нахаца бизнес бахьана долуш дов а даьлла. Москох «Тоба 24» олу организаци а кхоьллина, Таджикистанан Iедалшна критика еш хилла иза. 2012-гIа шо чекхдолуш Душанбен дехарца лаьцнера Кувватов Эмираташкахь. ТIаьхьо ша дIахечца иза ваха хиинера Туркойчохь. Таджикистанан Iедалш таIазар дан дагахь дIавоьхуш вара Кувватов IумарIела.

XS
SM
MD
LG