Иракъан эскарш, шиIатийн тIемахошца цхьаьна тIемаш беш ду Тикрит гIалан юккъехь болчу «Исламан пачхьалкх» олучу тобанерчу тIемалошца. ШиIатийн тIемахойн цхьана тобанан хьалханчо журналисташка динчу дIахьедарца, «Исламан пачхьалкх» тобанан 70 гергга декъашхо висина цу гIалахь. Иза ерриг а маьршаяккха шайна кхин а масийтта де оьшур ду боху цо. Тикрит ю «Исламан пачхьалкх» олучу тIеман тобано дIалаьцначу территорина генна тIехьа.
