ТIекхочийла долу линкаш

Airbus A320 некъахойн кема доьхна Францерчу Алпашкахь


Францерчу Алпашкахь охьадоьжна Airbus A320 олуш долу Germanwings компанин некъахойн кема. Иза хилла Барселонера Дюсселдорфе доьдуш. Цу кеманна тIехь хилла 144 некъахо а, 6 кеманхо а.

Францин Iедалша бинчу хаамца, царах дийна висина стаг волчух тера дац. Чудеанчу лайнеран дакъош карийна Барселоннет олучу кIоштахь. Цу метте хьовсийна леррина гIо-орцан тобанаш. Францин транспортан министралло бинчу хаамца, кема дохале бохам хуьлуш хиларан сигнал елла хилла пилоташа.

Францин президенто Олланд Франсуас бинчу хаамца, доьхначу кеманна тIехь хилла Германера а, Испанера а некъахой. Туркой а хила мегаш бу беллачарна юкъахь.

Кема дохаран бахьана цкъачунна хууш дац. Германин канцлеро Меркел Ангелас а, Испанин премьер-министро Рахой Марианос а дIахьедар дина, шаьш дегнаш доьхна ду хилларг бахьана долуш аьлла.

XS
SM
MD
LG