ТIекхочийла долу линкаш

Немцов вер толлуш кхо нохчо нийса ца лаьцна аьлла кхело


Оьрсийн оппозиционер Борис Немцов вер толлуш, кхеле валийначу Дадаев Заура кхаарийдийнахь дIахьедина, ша декъахь вац зуламна, Немцов вуьйчу сахьтехь, ша и вийначу меттигна герга хилла а вац, аьлла. Ша хьалха бехк тIеэцнера шена ен гIело лан а ца елла, аьлла цо кхеле.

Иштта, кхело харцонца лаьцна аьлла дIакхайкхийна Немцов вуьйш дакъалацарна бехке ву аьлла талламчаша набахте кхачийна кхо стаг – Бахаев Хьамзат, Губашев ШахIид, Эскерханов Тамерлан. Амма оццу Москохарчу Басманан кхело юхатоллур ду кестта и кхоъ лаьцна витарх долу талламчийн дехар.

Оцу юкъанна Немцовца доттагIаллехь хиллачу политико Яшин Ильяс Фейсбукехь яздо, зуламан да Нохчийчоьнан куьйгалхо Кадыров Рамзан а ву, ша а, шен накъостий а иза кхеле озо а хьовсур ду, аьлла.

XS
SM
MD
LG