Пакистанан тIеман министра Асир Хаважа бинчу хаамца, СаIуда Iаьрбийн мохк коьртехь а болуш, Малхабаленехь кхоллаеллачу тIеман коалицино дехна Исламабаде шен хIордан а, хIаваан а кеманаш, эскарш Йеменерчу шиIатойн гIаттамхошна дуьхьалдахар.
Хьалхо динчу къамелехь Пакистанан премьер-министр Шариф Наваз хаийтира ша Йеменехь тIом баржийначу шиIатойн хIути гаранна шайн ницкъаш дуьхьалбаха резавуйла. Оцу хьокъехь дебаташ ю йоьлхуш Пакистанан парламентехь.
Йеменан коьрта шахьар Сана лаьцначу гIаттамхоша декхаре вина ши кIира хьалха президент ХIади Iабд-Рабби шен резиденцера ведда къайлавала.