Тбилисехь бехктакхаман дов хатта долийна Гуьржийчохь президент лаьттинчу Саакашвили Михаилан а, цуьнан Iедалехь хиллачу массех министрна а тIехь. Уьш бехкебо 2007-чу шарахь маьрша митинг дIасалохкуш массех оппозиционерна тIехь гIелоярна.
Маршо Радион Гуьржийчуьрчу корреспондента Кобаладзе Георгийс хаамбарехь, Украинехь веха Саакашвили реза ца хилла шена тIехь ечу кхелехь дакъалаца.
8 шо хьалха Тбилисехь митинг дIасалоллуш нахана ца догIу таIзар дарна нагахь санна Саакашвили Михаил кхело бехкевахь, 8 шо хан тоха тарло цунна набахтехь яккха. Гуьржийчоьно Саакашвили официалехь шена каравалар дехнера Украине, амма иза реза ца хилла.
