Британехь хиллачу парламентан харжамашкахь толам баьккхина Консерваторийн партино. ТIаьххьара болчу хаамашца, цу партин векалша 650 парламентехь йолчу меттигах дIалаьцна лаххара а 330 меттиг. Цу харжамашкахь консерваторшца къуьйсурш бара лейбористаш. Церан цIарах парламенте хаьржина 232 депутат.
Цул тIаьхьа Лейбористийн партин хьалханча Милибэнд Эд дIаваьлла партин коьртера. Британин премьер-министро Кэмерон Дэвида дIахьедар дина, гергарчу шерашкахь Британи Евробертана юкъахь йисарх лаьцна референдум хир ю махкахь аьлла.
ПIераскан дийнахь Кэмерон цхьаьнакхийтира Британин паччахьца Элизабет ШолгIачуьнца. Цул тIаьхьа цо дIахьедар дина, кхечу партешца коалици а ца еш, министрийн кабинет кхолла дагахь ду шаьш аьлла.