ТIекхочийла долу линкаш

Минскехь бина барт буьззина кхочушбар коьрта ду


Украинан малхбалера тIемаш совцорхьама Минскехь бина барт буьззина кхочушбар уггаре коьрта ду, аьлла дIахьедина Оьрсийчоьнан президента Путин Владимира. Машарца хьал дерзорна дуьхьал цхьа а альтернатива яц, бохура оьрсийн лидеро Миланехь ша а, Италин премьер-министр Рензи Маттеос а шайн хилла цхьанакхетар дерзош еллачу пресс-конференцехь.

Кхаарийдийнахь индустрин гIирсийн гайтамехь вистхуьлуш Рензис, шайна «мехала ду оьрсашца долу гергарло», амма «вайн позицешна юкъахь цхьацца галморзахенаш а ю», - элира. Италин президентца Маттарелла Серхиоца а хила деза Путинан цхьанакхетар. Иштта Риман Папица а хир ю аудиенци. Католикийн коьртачу мозгIаран а, Оьрсийчоьнан президентан а хила тарло къамел Украинерчу кризисан а, православин а, католицизман а юкъаметтигийн а хьокъехь.

XS
SM
MD
LG