Нохчийчоьнан къилбаседанехь а, Соьлж-ГIалахь а хIаваан температура лакхаяла тарло.
Невр-кIоштахь кхерам бу йовхонна цIерш йийла. Изза хьал лаьтта Шелковск кIоштахь, Теркйистехь, аьлла, хаам баржийна махкарчу орцан министралло. Дагца а, коьртаца а лазарш долчу нахе хIусамашкара ара ца бовлар доьху орцанхоша. Иштта хьоьху цара хиш мийлар, шайн петаршкахь оьшшучал хIаваан температура латтор.
Чу-ара вала уггар кхераме хан лору дийнахь ши сахьт даьлча суьйранна 5 сахьт даллалц ериг. Синоптикийн хаамашца, шоьтадийнахь Соьлж-ГIалахь дийнахь хир ю +42 градус, ткъа де суьйренга лестича +34-анне охьаер ю.
