ТIекхочийла долу линкаш

Гайтукаева Бана. Хаза ду дахар


Нохчийчоь --Соьлж-ГIалахь бIаьсте, 2016

Нохчийчоь --Соьлж-ГIалахь бIаьсте, 2016

Гайтукаева Бана

Хаза ду дахар

Iалелай, ма чIогIа хаза ду дахар!
Мотт керчи хьан ала-дуьне дош дац.
Ма хьежа сел чIогIа дуьнене бIагIар.
Цундела йижна-кх хьан месаш тIе кIац.

Ма елха, гIайгIано Iовжабарх кийра,
Ирс ма ду лаьтта тIехь гIайгIанал сов.
Бодане буьйса мел хетахь а хийра,
Сирлачу Iуьйрено доьллу шен ков.

БIаьстенан болар ца дайна хьуна?
И йогIу Iаламна батIийна марш!
Ца гина сийначу бацалахь хьуна
ПетIамат дIо малхе кховдина Iаш?

Шовдано ца лекхна хьуна шен эшарш,
Я седа ца гина паналлехь бовш?
Наг-наггахь хиларх вай кхолламо човхош,
Сел мерза, сел кIаьхьа хета и товш!

Iалелай, ма чIогIа хаза ду дахар,
ДIахеца Iожаллин зарзделла пхьош!
Вайгара шена мел цатемаш хиларх,
Вайн латта-м ду хьийзаш - дахар дIахьо

Гайтукаева Бана нохчийн гояьлла байтанча яра. Иза дуьнен чу яьллера 1959-чу шеран чиллан-беттан 23-чудийнахь ТIехьа-Мартан кIоштан ВаларгтIе юьртахь. 1966-чу шеран гезгмашин-беттан 1-чу дийнахь иза ВаларгтIерчу №1 йолчу юккъерчу ишколе деша. 1986-чу шарахь ишкол а яьккхина, юьртан библиотеке балха хIоьттира. 1986-1991 дийшира Нохч-ГIалгIайн пачхьалкхан университетехь. Оццу 1991-чу шарахь яздархойн Бертан декъашхо хилира Бана. 1994-чу шеран заздоккхучу-беттан 18-чу дийнахь Соьлж-ГIалахь дIаелира Бана.

XS
SM
MD
LG