ТIекхочийла долу линкаш

ЦIеххьана кхаьчна хаам!

Дикаев Мохьмад. Со ца кхочуш меттиг бац


Дикаев Мохьмад

Со ца кхочуш меттиг бац

Хьовзорхьама, наха олу:
«Хьуна тIаьхьа-м кхуьур вац,
Массо метте кхача гIерташ,
Хьо ца кхочуш меттиг бац».

Со-м сайн дагахь воьлу царех,
Церан забарш йойу ас,
Мунда санна, лаьттачарех
Лела хуург хьоьгуш вац.

Соьга-м нанас олуш дара:
«Хьо цкъа а нахах тарлур вац,
Шо кхачале ага херцош,
Хьо бен суна гина вац».

BоpxIapa ваьлча, аьлла суна:
«Нехан бераш санна вац,
Дешар Iамош вакъа а велла,
ЦIера араволуш вац».

Со-м IадIара, дийца бохуш,
Къийсамашкахь яхь ца луш,
ХIете-вете цхьаъ ца олуш,
Iалур боций уьш хууш.

Наха дуьйцург дезаделла,
Со, мел некъбарх, кIадлуш вац,
Массо метте кхача гIерташ,
Со ца кхочуш меттиг бац.

Дикаев Мохьмад похьмаллин нохчийн байтанча вара. Иза винера 1941 шеран Гезгмашин-беттан 1-чу дийнахь Соьлж-ГIалахь, кхелхира 1979 шеран ГIадужу-беттан 29-чу дийнахь. Дикаев Мохьмадан байташ дуьххьара зорбанехь араевллера 1960 шераш дуьйлалуш нохчийн маттахь долчу газетийн а, «Орга» алманахан а агIонаш тIехь. Поэтан шен дуьххьарлера жайна арадаьлла 1965 шарахь. «Нохчийн хIусам» яра жайнин цIе.

XS
SM
MD
LG