ТIекхочийла долу линкаш

ЦIеххьана кхаьчна хаам!

Дикаев Мохьмад. Суна лаьа.


Нохчийчоь --Тевзана, 2016
Нохчийчоь --Тевзана, 2016

Дикаев Мохьмад

Суна лаьа

Цхьаццаволчо къайлах олу
Жимчу дагна луушдерг,
Суна-м лаьа, нехан дола
Долийла сайн къайлахдерг.

Со винчунна дика хаьа,
Суна хилла там, цатам,
Къона велахь а, суна лаьа
Сихха бовза дешан чам;

Верта санна, нехан бала
Белш тIе тесна баккха ког,
Салти санна, орцахвала,
Жимчу беран а эца дог;

ТIамна дуьхьал куьйгаш лаьцна,
МостагI вохош, хилла гIап,
ЦIенчу лаьттах ямартлонца
Ца кхетийта цхьа а топ,

Букар дарцо хьийзош вахар,
Шиэлах эшарш лекхалуш,
Суна лаьа дорцехь вага,
Халонашна къар ца луш.

Дикаев Мохьмад похьмаллин нохчийн байтанча вара. Иза винера 1941 шеран Гезгмашин-беттан 1-чу дийнахь Соьлж-ГIалахь, кхелхира 1979 шеран ГIадужу-беттан 29-чу дийнахь. Дикаев Мохьмадан байташ дуьххьара зорбанехь араевллера 1960 шераш дуьйлалуш нохчийн маттахь долчу газетийн а, «Орга» алманахан а агIонаш тIехь. Поэтан шен дуьххьарлера жайна арадаьлла 1965 шарахь. «Нохчийн хIусам» яра жайнин цIе.

XS
SM
MD
LG