ТIекхочийла долу линкаш

Дикаев Мохьмад. Къинхетаме Нохчийчоь.


Нохчийн лаьмнаш

Нохчийн лаьмнаш

КЪИНХЕТАМЕ НОХЧИЙЧОЬ

Балано бIарзйина
ГIазотан Нохчийчоь!
Хьох, акха ю бохуш,
Къихкина хийла нах.
Ма бIаьрзе хилла уьш,
Ахь хьосту бер ца гуш,
Хьан дагца хьаьрчина
Къинхетам ца хаълуш;
Ца хууш, йоьхначу
Буьйсанна ахь дохурш
Къонахчун синош дуй,
Ахь къуьйсу паргIато
Вайнехан безам буй.
Балано бIарзйина
Обаргийн Нохчийчоь!
ГIазото хьан деган
Къинхетам къийлина,
Кавказан тIамо хьан
Стогарш чуийзина,
Амма хьо доьналлех
Яккха ницкъ ца хилла!
Хьан бартан, безаман
Йогу цIе суна го, –
Хьох, маьрша Нохчийчоь,
Сан даго дозал до.

Дикаев Мохьмад похьмаллийн нохчийн байтанча вара. Иза вина 1941 шеран гезгмашин-беттан 1-чу дийнахь Соьлжа-ГIалахь, кхелхина 1979 шеран гIадужу-беттан 29-чу дийнахь. Дикаев Мохьмадан байташ дуьххьара зорбанехь арайилина 1960 шераш дуьйладеллачу юьххьехь нохчийн маттахь долчу газетийн а, «Орга» альманахан а агIонаш тIехь. Поэтан шен дуьххьарлера жайна арадаьлла 1965 шарахь. «Нохчийн хIусам» яра жайнан цIе.

XS
SM
MD
LG