ТIекхочийла долу линкаш

Хасаров ШаIрани. Ширделла тIулгаш


Сийлахь Йоккха Британи

Сийлахь Йоккха Британи

Ширделла тIулгаш

Цкъа пхьеха лаьттинчохь тап-п, аьлла, тийна,
Тидамза Iохкуш ду ширделла тIулгаш.
Ехий и кIайн мажош яц хIинца дийна,
Хиллачийн когашка хиндерниш гулдан.

Воьдучу жимхас уьш ца леци бIаьрга.
Хьаша а ца сеци маршалла хатта.
Аз доцчу маьхьарца, кхайккхинчохь цаьрга,
Шайн мара къевлина тIулгаша латта.

Шардеш син лекхий сатийсамийн гунаш,
Царна ша диннарг ди дуьнено суна.
Текхош шен къахьонаш, марзонаш, хьунаш
Некъаш а дехки цо сан дагчухула.

Цу тIулгийн дуккха а хир дара дийца,
Дахаран йовха цIе юха шайх летча.
Вайн дуьне ас царна герга озийра,
ДIа а и хийцира, саца ца делла.

Цуьнан а хир ду-кх сатийсамийн гунаш,
ХIинца а кхачаза ирхенаш, лаьмнаш,
Ас хьеярх сайн дагалецамийн гIунаш,
Ас дийша ца дитарх дийшина аьзнаш?!

1978-шо

Хасаров ШаIрани нохчийн байтанча а, журналист а ву. 1953-чу шеран гIадужу-беттан 22-чу дийнахь Казахстанан Кзыл-Ордински областерчу Аккун юьртахь дуьнен чу ваьлла. Иза Оьрсийчоьнан Федерацин Яздархойн Бертан а, СССР-н, РФ-н Журналистийн Бертан а декъашхо ву, Нохчийн Республикан хьакъволу журналист а ву.

XS
SM
MD
LG