ТIекхочийла долу линкаш

Хатаев Хьусейн. "Вайн дахар хаттар ду..."


Нохчийчоь -- Ненан мотт даздарш, 2015

Нохчийчоь -- Ненан мотт даздарш, 2015

Хатаев Хьусейн. "Вайн дахар хаттар ду..."

Вайн дахар хаттар ду жоп дала хала,

вайн Деле кхойкхуш ду стигала хьала,

Вайн хила ма деза дахарна тIера.

Йиш ма яц вай хила цкъа цунна хийра.

Мел хьаьжнарг схьакаро дахаран маьIна,

ца карош висина и маьIна хьаьхна.

Вай кхиар кхетийча, вайн дала деза.

Вайн карх- ткъа и дан дог ма дац реза.

Цу тайпа дIавахар осала хета.

Цу гIулчах ойлаярх кхета ца кхета.

Ду иза вон дина, цхьа вадар санна,

дIалистар тIехьдуьтуш кхечунна цхьанна.

Ткъа цу тIе кхин дIадерг бода бу вайна.

Цхьа-а юха ца веъна, Iожалла яйна.

Цундела шаьлтан мукъ эрна ма къийлахь,

дерриг а кхетадеш, вахар ду сийлахь.

Къонахийн дог-ойла ишта ма хилла,

къонахех хаьдда хьо ма лела тилла.

Хатаев Хьусейн вина 1958-чу шарахь. Иза нохчийн байтанча а, гочдархо а ву. Цо чекхъяьккхина Нохч-ГIалгIайн пачхьалкхан университетан филологин факултет.

XS
SM
MD
LG