ТIекхочийла долу линкаш

Хатаев Хьусайн. Йохка-эцар


Нохчийчоь -- Астраханехь кхиина хастоьмаш Соьлж-ГIаларчу Беркат базарехь юхкуш ю, 2015-гIа шо.

Нохчийчоь -- Астраханехь кхиина хастоьмаш Соьлж-ГIаларчу Беркат базарехь юхкуш ю, 2015-гIа шо.

Хатаев Хьусайн. Йохка-эцар

"Бакъ долуш, Далла ца биэза совбуьйлурш."
(Къоранна тIера)

Массо кхаба цунна генахь Дала,
Шеко йоцуш кхи ду декхар вайн.
Йохка-эцар хилла боккха бала, -
Муьлхха хуьлу мацца цуьнан лай.

Юхку, оьцу хIуъа ахь цIе йоккхург:
ДегI а, яхь а, кийла юзуш са…
Эхь-бехк лара аьттехьа цадогIург, -
Новкъа ду и йохка-эцар ян.

Цаьрца вацахь, Iовдал вина, хийла
Вуьцур ву хьо базар ечу наха,
Церан тайпа, са къе долуш, гIийла
Доьрзур ду-кха, латта тодеш аха.

Мацца со а воьрзур, оьмар кхачош,
Амма базар лаьтташ, хьоьшуш бай,
Кхоьру цхьаммо олург, сайн мах хадош,
Юхкург, оьцург хилла, со дIавай.

Хатаев Хьусейн вина 1958-чу шарахь. Иза нохчийн байтанча а, гочдархо а ву. Цо чекхъяьккхина Нохч-ГIалгIайн пачхьалкхан университетан филологин факултет.

XS
SM
MD
LG